اشرف خان هجري
لکه ما ته که نصیب همه جهان اور
هرګز مه شه په هیچا هسې زمان اور
په هغه جهان کافر په اتش سوزی
هجر بل که په دنیا زما په ځان اور
بیلتانه هسې اتش راباندې بل که
لکه بل کا د بلبل په زړه خزان اور
په انداز زما د سوز کله پوهیږي
چا چې نه دی ازمایلی د هجران اور
که د یار د هجر غم راباندې نه وای
راته سهل دی سړیو د زندان اور
جور هومره طغیان وکړ د سرانو
چې یې وریت کړ د دکن خلق ودان اور
لا تاثیر په ظالم نه کا سبب څه دی؟
د هجري په هر سحر لونی دهان اور