هر ګز مه شه ستا له جبه زړه زما سرد

لکه نه شه له جورونو خاطر ستا سرد

ما به کله څوک ریښتنی عاشق بولي

که مې زړه شي ستا په غم کې له وفا سرد

نه زما خاطر هرګز له وفا سوړ شو

نه ستا خوی شو په دنیا کې له جفا سرد

نل په هومره جفا شانه کړه د من ته

نن به څشکله له تا شي زړه د چا سرد

څو غوغا پر همیشه کړه روغ وګړی

عشق هرګز نه شه د قیس له لیلا سرد

د سود پند ورته همیش کړ واعظانو

وامق پند د هیچا نه که له عذرا سرد

نه دنیا هرګز وفا له تېرو وکړه

نه خاطر شو د حریصو له دنیا سرد

ستا په دید مې سوی زړه هسې تازه شه

څو ریحان کاندي وهلی د ګرما سرد

د وصال امید مې تاو د هجران سوړ کا

او تبجن همېش خولې کا د شفا سرد

محبت به ستا په مرګ هجري پرېنږدي

لباسي دی که یې زړه شي په احیا سرد