اشرف خان هجري
غم ښادي د جهان باد ګڼه یا ګرد
په دا نه لري پروا ازاده مرد
امد شد یې تر صبا هم ګړندی دی
تجربه مې کړه د دور ګرم و سرد
هیڅ هوس د زمانې وخوان ته مه کړه
یو لغمه بې غمه نه لري د خورد
په څو رنګ نقش پیدا په یوه دم کا
د فلک دورونه تاس ګڼه د نرد
چا چې ناز د زمانې په یارۍ وکړ
په خندا کې زخم ور کاندی پر درد
غم ښادي که یې د هوش په نظر ګوري
د بقا عمر یې زیات نه دی تر ورد
هجري بد عمل تر شا مخ په صفا کړه
چې په ورځ د محشر نشي ګونه زرد