اشرف خان هجري
په دنیا کې پیدا نه که هیڅ ګلذار مخ
چې خذان یې زخمي نه که د سنګار مخ
کوم وصال د کوم دولت چې میسر شه
چې یې خال د جدایۍ نه که اظهار مخ
چا څېره د هوس کج په سر کېښوه
چې فلک یې نسکور نه که د دستار مخ
چې معیوب په خط و خال د فنا نه وي
ما و نه لید په دنیا هسې هموار مخ
باقي ګل په باغ د دهر مونده نشي
ځکه تل په اوښو تر وي د هزار مخ
دا ګردش د زمان هسې بازیګر دی
چې هر دم کا برهنه د نوي کار مخ
چې ثابت په یوه لور وي جنبش نه کا
هرګز نشته په جهان هسې قرار مخ
د نن کار طمع هرګز له صبا مه کړه
صبا ګوره هویدا شي د کوم کار مخ
راشه زړه د خټک وګوره مئینه!
چې هر لوری یې لري د غم پرهار مخ
هیڅ باور په رفاقت د عمر نشته
هجري نفس په ځېر ګوره د یار مخ