اشرف خان هجري
هر سړی د خپل جوهر په قدر کار کا
نیک له نیکو تولد کا بدله بدو
چې سرشت یې سعید نه وي له ازله
نصیحت پرې کله لږي د اسعدو
له بد خویه که ښه وینې باور مه کړه
هغه واړه په تقلید کا د امجدو
که خوږه میوه امید کا زیرک نه دی
چې ارهنډه کا بنا په خپلو یدو
چې ایار په قابو کاندي په یارۍ کې
د تبۍ تورکی یې پورې شه په خدو
یو عمل یې په ګفتار موافق نه دی
هۍ توبه له هسې غولو مشددو
په صورت یې غلط مه شه اې مهجوره
زمانیو خصلت ونیوه د ددو