اشرف خان هجري
د هجران له ډېره غمه مې زړه چوي
شکر شکر چې فاني ده تل به نه وي
د دې غم ویل موقوف بیان یې نشي
مګر هاله چې اشنا سره لیده وي
نن د تېر ساعت ارمان فایده نه کا
که هزار ځله غاښ کېدم په ورغوي
په دا نیت فالونه ګورم په کتاب کې
چې وعده د وصال زرکه به لارغه وي
په حضور دې کاته نورو ته ګناه ده
تیمم هلته روغ نه دی چې اوبه وي
ګردون کله مهر وکا پس له یاسه
په دولت دې وصال خوښ که هجر یې سوي
د مژګانو حرکت کټه خلل دی
هغه دم چې ښو دلبرو ته کاته وي
صفايي د تورو زیاته په صیقل شي
کروړه د عشق په اس د یار ماڼه وي
هجري کار په قضا وسپاره ډاډه شه
بدل نه کا ډېر جدل په ازل شوي