اشرف خان هجري
طلب کاڼۍ د نیکۍ وار د طلب دی
که دولت د پاک جنت د چا مطلب دی
د خاکي داره میلمه په ادب اوسه
خاصیت د میلمانه شرم و ادب دی
دا جهان خونه د غم هوس پرې مه کړه
په عمل یې خپلوه وړاندې طرب دی
د مراد پړی دې نه پریږدي ګذر ته
چاپيره دې ګرځوي حرص دې ډب دی
د خناس مکر کوهي پکې پرې نه وځې
ستا د طمعې اس هر ګوره بد جلب دی
تاثیر ځکه په تا نه کا دا خبره
چې دې مهر په زړه کښلی د قصب دی
د هجري له کفر و شر که بیزاري ده
امتي د پاک نبي بنده د رب دی