اشرف خان هجري
چمن بیا ځوان شه زلمیو مبارک شه
د هر ګل تر مخ یې ځار هجري خټک شه
نن موسم د نای و چنګ او د رباب دی
د پيالې د لبو یار نول د سبزک شه
نن که نیت د بیلتون کا په دوه و مئینو
زرنادم په هس ېنیت کبود فلک شه
یار مې لاړ دی په سفر خیر یې غواړم
نګهبان یې د اسمان واړه ملک شه
چې حسد په وصال کا د ښو مئینو
په شدید عذاب اخته غماز مردک شه
تل په ګفت د غماز ما لباسي بولي
له خاطره دې بېرون بېهوده شک شه
د یار زړه له یاره بد په بد ویل کا
د رقیب قدر لا هیڅ تر زاړه کک شه
ستا خبرې چې ما واورېدې په غوږو
ترې قربان قند و شکرې د اټک شه
تر یانه پورې یې زرکه مسخره ده
تر زبان یې صدقه ګویا شارک شه
چې په بد نظر څوک یار د هجري ګوري
هزار غشي یې د غم په ځیګر لک شه