بد اختر به نېک اختر نه شي هرګز

مرغ چوچه به درګوهر نه شي هرګز

که مکان يې په اسمان دی غزا وشوه

ستاره به شمس و قمر نه شي هرګز

که يې اصل له يوې ځمکې وي څه شو

بېد به سر و صنوبر نه شي هرګز

که همه عمر باران ورباندې ووري

خس به ګل د پېغمبر نه شي هرګز

له نا اهلو د وفا طمع ومه کړه

ګنده نل به نېشکر نه شي هرګز

که تور غر له ځايه خوزي وبه خوزي

ولې نور به مقدر نه شي هرګز

د رحمان په باب چې وشوه هغه وشوه

مکرر به دا دفتر نه شي هرګز