اشرف خان هجري
زه او یار سره چې لرې په ظاهر یو
د ګردون دور داغ کړی په ځيګر یو
په دا حال که همېش شکر کړم روا دی
چې هر دم د زړه په یاد سره حاضر یو
ته زمونږ په هجر خوښ مه شې رقیبه!
هر نفس مو سره وصل په خاطر یو
که یو ځل مو وصال وشي بېل به نشو
په ډار کړی هسې شان هجر کافر یو
یاره راشه جدايي مو صلاح نه ده
مونږ په دې فاني کاذبه مسافر یو
ګوره کوم زمان به والوځو وطن ته
د جهان په کښت وارد لکه طایر یو
هجري هسې وار په وار وګړي لیږدي
لکه راغلې له هغه متواتر یو