اشرف خان هجري
څو لیده شي په ظاهر رنګ د فلک شین
له جفا یې هومره زړه لري خټک شین
څو مې زړه د ده غمونو همه شین که
شاید نه به کا هیڅ رنګ هسې پټک شین
د ځيګر سرخي مې هجر هسې شنه کړه
چې ارزو یې د سبزۍ لري سبزک شین
راشه څه خو مې د زړه ننداره وکړه
هرګز نه کاندي فګار هسې ټوپک شین
تر فلک به یې دبدب د حسن تېر وه
که یو پر په دا روش وي د بوبک شین
څو ځیګر زما زرغون د هجر غم کړو
په دنیا به ځيګر نه وي هسې یک شین
چې همېش د هجري بد وايي و یار ته
د غماز په سر نازل شه لوی کوتک شین