اشرف خان هجري
یو د عشق په کار صادق لکه وامق یم
بل جدا شوم له هغه چې پرې عاشق یم
هم د شاه له ډېره عدله مدت وشه
بېګناهه بندیوان لکه سارق یم
عشق او هجر دوه بلا سویم اورنګ شه
چهارم یاد د وطن زه یې کاهق یم
یو بلا په چا نازله له دیو مه شه
زه تقدیر پرې اخته کړی و خالق یم
هر شاعر په قدر حال سپهر مروړي
ما ته قهر ځکه ډېر کا چې فایق یم
سخنور د جهان زه نادان به څه کا
غم به ما لره راځي چې یې لایق یم
زه هجري په پریشانۍ ځکه نازېږم
چې په دا د یار له زلفو موافق یم