اشرف خان هجري
چې د زړه له دسته وا د فکر باز کړم
په منګلو کې یې بند د معنو قاز کړم
نوی نوی مضمون راکاندي له غیبه
ځکه هومره په ځلا د فکر ناز کړم
باد به ځان سلامت یو نه سي که راشي
په خلوت چې زه د یاره سره راز کړم
هر دلبر چې یې تعریف د حسن کړمه
د جهان تر ښایسته و یې ممتاز کړم
کوم شاعر به هسې اب د شعر ورکا
لکه زه یې ارایش د وزن ساز کړم
د معنو اسرار که هر څو سربسته دی
زر په زر یې په تدبیر د عقل باز کړم
د قبول ګوتې به پوی په لیمه کیږدي
که هجري په دا هنر وایي اعجاز کړم