اشرف خان هجري
که پکار زما د یار وي د دنیا مال
سراسر دې همه خپل ګڼي زما مال
سر مې ورکړ هغه ورځ چې پرې مئین شوم
چې تر سرخو عزیز نه دی دا فنا مال
ما به واړه مال په تار د زلفو ورکړ
ولې نه ارزي په موی بې وفا مال
که جواب یې څوک د مهر په ما راوړي
په مژده به هغه کس ته کړم عطا مال
د وصال زمان هم هسې جور کاندي
لکه کاندې خلایق سره جفا مال
په کوڅه دې د عشق یون هغه سړی کا
چې سر کیږدي په ورغوي کا تر شا مال
زه هجري یې د دیدن بها په څه کړم
هرګز نه لري دا قدرو دا بها مال