ګوره بيا به څوک ادا کا په زړه غونډه

چې دا هسې مسته درومي مخ بر بنډه

ته چې ګل د اشنايي له باغه غواړې

خبر زده کړه د هجران له خارو خنډه

ما رستم د زمانې وليد په سترګو

چې د يار له جوره ژاړي لکه کونډه

طالبان که مرور دي هم پخلا دي

بې مطلبوه به د چا نه رسي دا هنډه

د عاشق د لاغرۍ سبب هم دا دی

چې فرقه د معشوقو شوه په زړه ټنډه

زه به حوري د جنت بې ياره څه کړم

خدای دې سرو د چا نه کاندي ارهنده

سخت ساعت د بېلتانه به مې هېر نه شي

که را ډکه شي د تور لحد ګور هنډه

زه رحمان د هغه حسن ثنا خوان يم

چې جرګه د عاشقانو وي پرې پنډه