رحمان بابا
که ته نه کړې په بل چا باندې غرض
غزل
که ته نه کړې په بل چا باندې غرض
بل به هم نه کا په تا باندې غرض
که ګدای د بل په غولي غرض نه کړي
سپی نه کا په ګدا باندې غرض
په ساحل کشتۍ د هېپچا نه ډوبېږي
که څوک نه کا په دريا باندې غرض
خلوتيان په خپل خلوت کې فراغت دي
د رسوا دی په رسوا باندې غرض
دا دنيا د احمقانو ده ودانه
دانا نه کا په دنيا باندې غرض
زه رحمان د عشق په درد کې هسې خوښ يم
چې مې نشته په دوا باندې غرض