که تر ستوني دې شي ګوټ له جام خاص

هغه دم به شې دغم له شېبو خلاص

تل په سپينه جامه ټکې بد ليده شي

ته دا عامې چارې مه کړه خاص الخاص

که د وږي نهنګ ځان ته يو لقمه کړي

زر به رواړې په تحقيق سره غواص

په لباس به دې اسان په صورت ګران شي

مشکلات به دې اسان شي له اخلاص

که نغمه د محبت په غوږو واورې

په فلک به شې زهره غوندې رقاص

معنوي صورت پيدا کړه که مېړه بې

فايده څه ده د بوتانه له اشخاص

د بل څيز په خاصيت به هغه ګوري

چې خبر نه وي د مينې له خواص

چې تارچه ورځينې رخت د ميني نکه

جهم دار اوسه رحمانه له رصاص