اشرف خان هجري
چې یې جوړ که چاپیره خط تر عذار صف
غم یې مات که د ښادۍ په زړه د یار صف
هغه ورځې چې د عشق جیش پرې نازل شه
ګریزان یې که له زړه د اختیار صف
مخ یې عین په خوبۍ رشک د ګلزار شه
په عارض یې راشه وګوره د مار صف
سپین ګوهر یې په اوربل هسې لیده شي
لکه ستوری په سما ویني هزار صف
ته یې وروځو ته عجب مه شه خاطره
تور باڼه ګوره په چشمو د نګار صف
زه ښادي په جهان ګورم نه یې وینم
هر طرف که راته غم د هجر دیار صف
نهایت به یې لښکر د وصال مات کا
هجري څو به وي د هجر غم قطار صف