هرګز سور نه کا حنا هرګز د چا کف

لکه وینم سور همېش د مستې شا کف

ته یې څه خو د منګلو په رنګ ځير شه

د چا کله هسې سور کاندي حنا کف

دا یې رنګ د حنا مه ګڼه دروېشه!

بلکې سور یې دی په وینو د اشنا کف

نن فلک مئین زما په رضا راوست

شیرین دف واهه د فاف په زیبا کف

هنګامه د عیش یې ګرمه فلک یار دی

ساقي ولې دې تش وینم له صهبا کف

اې چې ګرم دستک کړې په دا مجلس کې

همېشه دې په امان وه له بلا کف

ستا جفا به ما جدا کله له تا کا

هسې ټینګ مې په دامن دی د وفا کاف

هیڅ دلبر په عاشق هسې جفا نه کا

څو په ما باندې کشاد که ستا جفا کف

هجري څوک په غم د هجر اخته مه شه

کشاده لره دایم په دا دعا کف