نن بهار دی د فاف کیده په کف دف

چې د زړه له ملکه مات کا د غم صف دف

ښه ساعت که په دنیا غواړې هغه دی

چې موجود وي صنمي ګل د الف دف

یو څيز بل هم بایده دی په مجلس کې

چې غم لرې له مجلسه کا سقف دف

نقاره سرنا که وي خو بهتري ده

ګڼه بس دی څو دلبرې هم جدف دف

که همه سازونه ټول کړې په مجلس کې

تر خپل ژغ پورې یې تش له مغزه نه دی

که لیده شي په ظاهر سورت اجوف دف

توره سر د هیچا هسې ګیاه نه کا

څو په ژغ د اندوه سر کاندي علف دف

په هر زړه کې چې عشق پروت دی د بتانو

را یې ډېر کا په اواز هغه شغف دف

په ښارونو کې که ښه وای کابل دی

چې په هر لوري سرنا دی هر طرف دف

غم هرګز په کابل نه ورځي چې ورشي

نور یې زر کا د بلاد د تیر هدف دف

هغه ملک دی ځکه ښاد اندوه یې نشته

چې زړه یې نه لري هرګز د چا له هف دف

د سرنا د ژغ خوبي پوشیده نه ده

ولې زه په دا ترې ښه وینم صدف دف

نای د تیر زمان قیصه کوي غمژنه

په اواز که هرګز یاد نه کا سلف دف

چې اواز یې د هجري د زړه تکسین کا

مولا مه کړه له دنیا هرګز تلف دف