سر زما سامان زما زار شه تر جانان زما

زار شه تر جانان زما سر زما سامان زما

زيان زما نقصان زما واړه د يار هجر دی

واړ ه د يار هجر دی زيان زما نقصان زما

ګل زما ريحان زما ستا رخسار و زلفې دي

ستا رخسار و زلفې دي ګل زما ريحان زما

مښک زما رعفران زما ستا د کوڅې خاورې دي

ستا د کوڅې خاورې دي مښک زما زعفران زما

فکر زما توان زما ستا په غم کې نه رسي

ستا په غم کې نه رسي فکر زما توان زما

اه زما فغان زما هيڅ په تا اثر نه کا

هيڅ په تا اثر نه کا اه زما فغان زما

د اپيران سيخان زما ستا په غم کې نه رسي

ستا په غم کې نه رسي دا پيران شيخان زما

زړه زما چشمان زما بې تا هيڅ حال نه لري

بې تا هيڅ حال نه لري زړه زما چشمان زما

باغ زمابوستان زما بې تا مېوه نه نيسي

بې تا مېوه نه نيسي باغ زما بوستان زما

وصل هم هجران زما ای رحمانه خير دی

اې رحمانه خير دی وصل هم هجران زما