اشرف خان هجري
لکه زه یم ستا د عشق په غم محظوظ
بل به نه وي په غم هسې تم محظوظ
څو دې زه په دیدن خوښ یم هسې طور
په مونده به د جام نه وه جم محظوظ
چې د هجر غم یې زور په خاطر وکه
په اواز یې کړم د زیر و بم محظوظ
زړه د عشق په غم کې هسې خرم وینم
چې په ملک به هسې څوک وي کم محظوظ
مرتبه یې د خوبۍ هومره والا ده
چې په یاد یې د نامه شي فم محظوظ
باده زلفې یې خورې کړه په رخسارو
چې یې بوی کا کور و کلی چم محظوظ
هجري هر غزل چې ته په وزن جوړ کړې
په لذت کا د دنیا عالم محظوظ