اشرف خان هجري
چې مې زړه وکړ په مخ د یار هبوط
په دامونو یې د زلفو شه مضبوط
له جفا به یې کنار شوم ولې څه کړم
په یارۍ کې دا طریق نه دی مشروط
ارغوان ځکه په وینو کې لت پت شه
نن یې ستا د مخ له رشکه کړ مخروط
د ګل ګشت په ورځ دې حسن چنار ولید
لاس یې ګل په دعا ونیول مسبوط
موانع یې بې ښایدیو رفتنه مه وه
مدت وشو چې رانغلل ستا خطوط
تل چې ژاړم ستا د هجر له امله
د مخ صحن مې په اوښکو کړ مخطوط
یو زمان یې جمعیت هرګز و نه لید
څو هجري د یار له عشقه شه مربوط