اشرف خان هجري
چې مې ولیده په مخ باندې د یار خط
هسې نشته په دوران د بل نګار خط
دا یې مښک دي چا په کاڼي میده کړي
بیا یې جوړ که د یزدي ګل په عذار خط
دې هالې زیب یې په مخ د اوږمۍ هیڅ کړ
چې پیدا شه په دا مخ باندې کنار خط
زه د یار په خط مئین یم غیر به څه کړم
تر عنبرو که زیبا دی د اغیار خط
خط ښایست په هغه مخ کا چې زیبا وي
کڼه زر که هم لري هسې هموار خط
ومې نه لید هسې زړه په دا دنیا کې
چې یې ونکړ په سر باندې پرهار خط
هوش یې واړه په ستم له هجري یوړ
ګوره څه کا په ستم د دې عیار خط