اشرف خان هجري
چې څرګند شي په ښه مخ د شاه بیاض
د کافورو کا په دم تر شا بیاض
صفايي چې یې د مخ مشاهده شوه
په دوران به د چا نه وي دا بیاض
د ښه مخ په زمانه یې باور وکړه
لمره سهل شه عالم ته ستا بیاض
چې یې نور د لمر حریف د حسن نه دی
نور به څه وي په دا شان د چا بیاض
چنبی نور به کبر نکړي په خپل حسن
که ته ووینې د یار صفا بیاض
څو یې مخ بنده لیدلی وایم ربه!
ورک یې مه کړې د ښه مخ زیبا بیاض
هسې نه چې یو خټک په دا وینا دی
چې یې مه شه د ښه مخ جدا بیاض
زمانه واړه ګویا په دا دعا ده
هر زمان یې ترقي کړه لا بیاض
د هجري حیات به نور په جهان نه وي
که دوران یې کا له مخه لا بیاض