په خدمت کې ستا چې زه لرم اخلاص

په هیڅ رنګ یې امید مه کړه انتقاص

که یو څپ په مهر راکړي نور مې وژنه

څوک دې نه غواړي له تا زما قصاص

د ښه مخ خیر دې غواړم زما څه دي

په سما له یو لقمه کا تندر ماص

ستا جناب زما وطن که اور وریږي

طمعه مه کړه چې به زه وکړم مناص

یو نظر په واعظ وکړه حال یې ګوره

چې په زمکه سیال پرنږدي یو وقاص

هغه وم عاشق ما مه ګڼه ګلرنګې

چې کوم د یار له جوره اعتصاص

نور تلی د یار د پښو زما په سر وي

که یو ځل شم د هجران له دسته خلاص

هجر هسې زېړ نزار کړم ته به وایې

چا وېښه د بریتو ورد که د قصاص

د بوسې په عنایت راشه عطا کړه

ما هجري ته په عالم کښ اختصاص