اشرف خان هجري
څو زما په زړه نازل شه ستا اخلاص
په دوران به د چا نه وي د اخلاص
چې ستا مهر په ما نه وي فایده نشته
که هر څو ډېر دی له تا زما اخلاص
د رقیب په ګفته قهر راته مه کړه
روز افزون لرم له تا رجا اخلاص
که یو ځل مې د بوسې په عطا خوښ کړې
را معلوم به شي هاله صفا اخلاص
څو دې لب عین شکر خوی دې ګنډير شه
له تا څه څشکل کړم رجا اشنا اخلاص
د زینت سیاله دې نشته په دنیا کښ
ولې نشته ستا په زړه وفا اخلاص
د هجري حیات دې نور په جهان نه وي
که بدل کاندي هر ګز له شا اخلاص