اشرف خان هجري
په عاشق دې سنګینه زړه مهربان شه
په وصال یې خراب ملک د زړه ودان شه
نه نه مه کړه چې دې تېغ الوده نشي
هجره ته مې په کشتن یار ته ضمان شه
که زما په مرګ راضي یې تاوان نشته
توره ونیسه په لاس کې را روان شه
چې همېش بوسه د سر په بها پلوري
د ښایست دبد دې ډېر لږ ګویان شه
په دامونو کې یې څو زړونه پارته دي
په پنجه دې د یار تاو د زلفو وران شه
چې په لار د عشق څوک ځي جریده ښه وي
طمطراق د رسم ورک هم یې سامان شه
چې یې قدر د وصال درته معلوم کړ
هجري خوښ په عذابونو د هجران شه