اشرف خان هجري
څه خوا وګورئ سړیو دا فاتِر کیش
چې رانیسي له عالمو نه ناظر کیش
چې یې چا سترګې په مخ کړې برابرې
په زمان یې سترګو راونیوه اخر کیش
لطایف یې د ښایست تر پوله تېر دی
چې په خوی به نه وي بل هسې جابر کیش
په ازار د مؤمنانو حیله نه کا
چې به نه وي په دنیا هسې طاهر کیش
چې ازار د مومن هیڅ ګڼی سړیو
ورته څه هغه بشر چې وي کافر کیش
د زړه حال یې څه خو واورېدې په غوږو
چې یې کوم منی په دهر کې خاطر کیش
تش بدن په دکن ناست غمونه ژوي
زړه یې یوړ د هجري هغه ساحر کیش