اشرف خان هجري
د سپین مخ ضیاء یې حسن کړو د ماه بس
د سنګار په دبده یې دور که شاه بس
د ټيکې دا دوه لړۍ یې راشه ګوره
په میدان یې که زینت د فلک راه بس
تورې سترګې یې په لوټ هسې شوخي کا
چې خیبر یې په دا کار کې د تیراه بس
هر زینت چې په دا دور کې لیده شي
تن په تن یې که همه د ذقن چاه بس
اوډڼۍ ټوله په سر کېږده غره کېنه
چې زینت یې کا په دم د شاه کلاه بس
که خسرو دې په تراب د جناب کیني
هغه دم به هوایي کاندي د ګاه بس
هجري مښکو تل نخوت په خبأ قیمت کړو
ښه چې نرخ یې که د یار د خط سیاه بس