اشرف خان هجري
تا چې سر کړو د زفینو په عذار کوږ
غم دې سر کړو د ښادۍ په زړه د یار کوږ
محبت پرې کړی زړه به پرې ګنډمه
که راوبښي د کجو زلفو تار کوږ
ستا په مخ هسې کاږه مارونه وینم
چې به نه وي په ګنجونو هسې مار کوږ
بیا به ډېر په لار روان د اخرت کا
چې یې جوړ کړو په سینه د دُرو هار کوږ
سم کاته یې عین غشي هاله کوز شي
چې نظر د سترګو وکاندي نګار کوږ
هومره کبر د خپل مخ په زینت مه کړه
زمانه کا په شتاب د حسن وار کوږ
خوب به څه شکل په قرار کاندې بې یاره
د هجري په زړه کې مات کړو هجرخار کوږ