هرګز مه شړه له دره مشتاقان نور

ستا سګان دې مسلسل لري سګان نور

ستا د در سپي چې مې ولیدل دلبرې

په دنیا په اخر څه رنګ دی شیران نور

که هر څو د شپې شیران دی ګمان مه کړه

چې عشاق دې شي له کویه ګریزان نور

ستا باور که په دا نشي څه مشکل دی

تجربې لره خرید کړه زرسګان نور

تورې سترګې دې داروال تومن یې ګوټ کړې

له دې هسې جوره بس کړه قزاقان نور

که د یار په مرګ راضي یې صرفه څه ده

په تا نشته د عاشق د خون تاوان نور

که زینت اسباب همه تا ته موجود دي

تر دا کله وي د حسن نور سامان نور

ډېر ستم یې عاشقان واړه کباب کړه

له جنابه یې هم کم کړه رقیبان نور

هر چې ستا د هجران غم یې په بنده کا

په مسلم به زیاتی څه کا کافران نور

د وصال په تېغ یې سر له تنه بېل کړو

په ما هسې دلیر مه لره هجران نور

د پردیس هجري وینا که مسته نغوژې

تل دې ناست لري له څنګه عاشقان نور