اشرف خان هجري
لکه زه یم ستا په در کې تل ملاذ
هیڅ عاشق به هسې نه وي بل ملاذ
وفا هسې د بنده په زړه میشته ده
لکه ستا په ژبه تل زورل ملاذ
نسیم مخ د زمکې واړه زرکشي کړده
بلبل تل وي نن ساعت د ګل ملاذ
د زړه کور به د هغه د غوښو نه وي
چې به نه وي په بهار د ګل ملاذ
د فرقت په نوک به کله تل زخمي وه
که د ګل وي همېشه بلبل ملاذ
عاشقي اسانه نمه ګڼه جاهله!
عاشق تل وي په حیات د اُل ملاذ
د هجري قدر به څه په هغه یار وي
چې یې ده غوندې په دروي سل ملاذ