اشرف خان هجري
څو شفقت لري اشنا ستا التذاذ
هرګز نه لري نبات دا التذاذ
نبات ستا په لبو څه رنګ څوک نسبت کا
چې و نه لید هسې شان چا التذاذ
د دوران په شیرنۍ به یې ورنکړم
چې معلوم کړو ستا د عشق ما التذاذ
وفا هر چا ته لذت ورکا د ښکلو
له جفا مومم زه ستا لا التذاذ
دا لت سترګې حاصل له ګله نه کا
لکه ور کا د یار میم خا التذاذ
سوداګر د قندو سر وهي په لاسو
چې پیدا که د دنیا شا التذاذ
هجري وار د وصال څه شکله لذیذ دی
خو هجران یې اخر سم کا التذاذ