اشرف خان هجري
زړه چې وکړو ستا د زلفو خم پیوند
په خپل ځان یې کړو سور اور د غم پیوند
څو مې زړه شه منتظم د یار په زلفو
په جام نه وه هومره زړه د جم پیوند
د غم بار یې په زړه هسې رنګ ثقیل شه
عجب نه که بېل کالو یې وکم پیوند
زه د تېر عمر په یاد خاطر تازه کړم
هجر بیا کاندي په زړه الم پیوند
ټیک دړې یې په اوربل هسې جوړه کړه
لکه وي په رباب زیر و بم پیوند
د هجري د کار صورت ځبله ویزار شه
ګوندې بیا یې کا د خدای کرم پیوند