اشرف خان هجري
نن ظاهر که له نقابه خاکي ماه یوح
سیال یې نه وه د خوبۍ د فلک ماه یوح
د مهتاب انوار به څه وي هغه نور ته
چې یې مخ که بې وقاره تر ګیاه یوح
د ماه مخ ته په ځير څه شکله ته ګورې
چې کتی نشې هرګز په غټ نګاه یوح
مخ د ورځ یې هله شپه په زلفو پټ کا
چې په غم کا هغه دم د مغرب چاه یوح
د شپې زلفې بریده ورځ هویدا کا
چې خنجر له شرقه وکاږي په ګاه یوح
په خاکي زمکه یې یم و زر نثار کړه
چې روانه یې له ماهه که سپاه یوح
هجري تور عنبر د ماه په مهر ګوره
هرګز نه لري عنبر هسې سیاه یوح