اشرف خان هجري
چې په ملک د حسن ستا په سر دی تاج
مناسب دی که له ښکلو اخلي باج
د خوبۍ مداح دې زړه مهر په بل کړي
ستا په دور مې نن ولید دا رواج
نه د چا په زړه جوړه مینې وفا کا
نه په یو رنګه وطن کا دوه مهراج
هغه یار چې په دیدن یې مبتهج وم
په ارسال یې د جواب یم نن محتاج
جدایۍ په رضا نه په زور یې بوتم
د قضا قوت چوګان وه زه مغلاج
د مراد دامن بلند رسد مې نشي
مګر هسک مې کا د مهر په معراج
هغه مه ګڼه عاشق بل منافق دی
چې جدا له یاره کاندي ابتهاج
د نفاق سر د همت په توره غوڅ کړه
هله درومه د عشاقو په منهاج
په ساتل یې فهم بویه چې مات نشي
د هجري خاطر نازک دی تر زجاج