اشرف خان هجري
د مخ زیب یې نقاب لرې کړو دلبر ته
بېهوده زبونی پیری خپل نظر ته
دا دعوا به ستا هاله خلق باور کا
که په ځیرو سترګو وګوري و لمر ته
ښایسته ګله پیره په ریاض وکړه
صد هزار دې منتظر دي مخ انور ته
تورو زلفو یې عزت د مښکو مات کړه
نه یې قدر هیڅ پریښی دی عنبر ته
چې له سترګو یې دایم برابري کړه
ښه چې رنځ د زیړي ورغی عبهر ته
په زیور ارايش کا چې زیبا نه وي
ته ګلرنګه څه محتاجه یې زیور ته
لږ یې حسن په عارض د یار مثال دی
ځکه ډېر ګوري هجري ګلِ احمر ته