اشرف خان هجري
چا چې ولیدو په یار باندې زما حب
ورته سهل شه د هیر او د رانجا حب
د مجنون عشق مشهور په دهر نه وه
که تر عشق یې زیاتي نه وي د لیلا حب
د وامق د عشق به هومره غوغا نه وه
ډېر نامي کړو په جهان کې د عذرا حب
هغه مه شماره عاشق بلکې کاذب دی
چې یې وړ شي د دلبرې د جفا حب
په دا دور زما ستا د عشق نوبت دی
اوس قضا شو د اسد او د اسما حب
دا به هم اخر فلک ګانده ماضي کا
لکه تېر شه ورقه هم د ګل شا حب
څو د یار زړه یې مایل دی و جفا ته
د هجري شه همېش هومره په وفا حب