اشرف خان هجري
په عارض ګورم زیبا مشکي نقط ستا
که چاپیر ګورم تر مخ عنبري خط ستا
هغه دم چې تا د ناز چاړه په کف کړه
بنده سر کیښو اشنا د عشق نه قط ستا
ما چې پښه د محبت په کوڅه کېښوه
لا هاله مې که قبول واړه شطط ستا
هر عاشق د یار په مینه تازه کیږي
په خټک تر قندو ښه لږي سخط ستا
د مخ زیب دې ګاه ربا زړونه علف دي
بندوي یې لکه غله زلفې قطط ستا
نام و ننګ دې نخستین همه تر شا کا
چې لري هغه عاشق د کوی نمط ستا
هغه ورځ چې غوغا پېښه د قیامت شي
د هجري له ژبې مه شه نوم غلط ستا