اشرف خان هجري
که مې کسی دلبر ځای د کفِ پای کا
تر هر چا به لوی زما د عزت ځای کا
زه د یار د در د خاورو ارزومن یم
نور عالم همه ارزو ظل د همای کا
که یې یار همېش په اور د هجر سیزي
عاشق نه دی که ظاهر غیرو ته های کا
زه د وصل له دولته پناه غواړم
چې اغازه د هجران خبره نای کا
د وصال زوال به ما له قصده هېر کړ
دا خبره د کوچ بله چې یې درای کا
هغه تېر عمر هرګز د زړه یاد مه شه
په ژړا مې وچه زمکه سترګې لای کا
هغه دم چې زه له یار سره خلوت وم
باد که وکا دلیري عمر به بای کا
رنګ و بو به ډېر حاصل کاندي ګلونه
قصد ریاض لره په سیر دله بای کا
د هجران داغونه یوسي خپل وطن ته
هر بشر چې هویدا په دا سرای کا
روغ عالم د مال و ملک خبرې کاندي
د دلبر حکایت تل د عاشق رای کا
یار په ځير ګوره هجري همېشه وینې
چې په خلقو یې ګردون حادثه رای کا