اشرف خان هجري
په رنجو چې الوده جوړه اهو کا
بې وقاره اهو دواړه د اهو کا
د مړوند زینت یې کله زیور غواړي
چې مدد یې کاریګر د سرو باهو کا
صبر و هوش یې کوم ګناه د زلفو وکه
چې یې مومي په هر زړه کور یې جاهو کا
هرګز یاد هغه ساعت د وصال مه شه
حرارت یې د ارمان خولې راهو کا
خرمی د وصال لاړه غم یې نه ځي
تل د زړه په سر ولاړ پسې هاهو کا
د فراق اوښکو مې زور وکه په سترګو
چیرې نه چې یې سیلاب کسي لاهو کا
د هجري له اهه ډار وکړه رقیبه!
تل د شپې په لمن وژاړي یاهو کا