اشرف خان هجري
په ګوهرو عاشقان ډکې کیسې کا
چې اغاز یې مسته شاه خوږې قیصې کا
په هر زړه کې یې د عشق لمبه بلیږي
لا یې سترګې د ناتار لرګي پسې کا
هسې نه چې یې په روه د حسن کوک دی
د پنجاب خلق یې لا قیصې بسې کا
بل مطلب یې تل په تاو د زلفو نشته
د زړو بند یې په خاطر پخته رسې کا
څوک د عشق په نرد بازي ګټلی نشي
که طلب شي د دوشش ښکاره دوسې کا
د عشق لار ډېره مشکله ده بېشکه
په دا لار له ډېرو یون کسې کسې کا
هجري ته چې بوسه لیه غواړې له یاره
ښایسته اشنايي کله بې پیسې کا