عبدالحمید مومند
څو آغاز پکې د مینې سرود نه شي
په نور څه به دا مجلس د زړه تود نه شي
مخروڼی و یار ته مه غواړه په عشق کې
څو په سترګو دې د اوښو مښود نه شي
بوالهوس د محبت له قدره څه زده
په ګامونو مخ د زمکې پلود نشي
چرته لپې لپې اوښې چرته صبر
تیمم واهه په غاړه د رود نه شي
که دریاب که د وصال تر ستوني ښکته
د هجران تشنک وهلي پرې سود نه شي
په کبوده جامه هیڅ کشایش نه شي
څو دې زړه له ډېره غمه کبود نه شي
که هر څو په دود د مینې ګرماوه شي
د حمید به دغه دود په بل دود نه شي