زړه مې د دلبرو هوا یووړ او تانهین

روح ورپسې بیایم باري څه کړم جا و تا نهین

مات کړه د دې هسې بد نصیب کچکول په کاڼي

هیڅوک پکې خیر د دیدن کچهـ پایا و تا نهین

زړه مې لکه ووړکی پسې ګرځي وصل غواړي

خپل مطلب سړی کسی کی سوڼا و تا نهین

دوه دې رقیبان دي په خپل څنګ کې کېنولي

یو یې خوار عاشق دی اپنی کو بیټا و تا نهین

قحط شه دیدن د ښاسته وو مونده نه شي

که ومرمه پوهېږم دل مې کچهـ کا و تا نهین

زړه مې په نغمو نغمو سوری کړ مطربانو

هیڅ مطرب په دا شان بل ډول بجاو تا نهین

په خندا خندا چې زړه را څخه یوسي

بیا راته ویل کا اپنا دل سمجها و تا نهین

وایه دا لذیذ ویل همېش عبدالحمیده!

تا غوندې بلبل بل په چمن کې کها و تا نهین