عبدالحمید مومند
تورو زلفو کړ راپېښ وسواس د کفر
راته اغوندي په زور لباس د کفر
خدای دې خط د یار له مخه لري لېرې
په اسلام باندې بر مه شه لاس د کفر
هغه مخ چې مې کعبه وه د دوو سترګو
مسلط کړ باندې خط مواس د کفر
ښه وشو چېرته ښه مخ ته رقیب چېرته
و هر چا ته کا تلفین خناس د کفر
د دښمنه په نېکخواهۍ غلط مه شه
له دې دینه مې باید هراس د کفر
وکا جوش د خط سیاهي د یار په مخ کې
که نمرود کړ بیت لله نخاس د کفر
چې په شان د تورو زلفو دی حمیده!
ځکه کا ګبر و ترسا سپاس د کفر